Mjetet dixhitale dhe menyra e lundrimit ne internet kritikohen me te drejte sidomos per menyren se si ndikojne tek perqendrimi dhe vemendja. Kjo sepse linku si mjeti kryesor i lundrimit ne internet lejon kercimin e menjehereshem nga nje teme tek tjetra. Para pak kohesh lexova se ne rrjetet sociale njerezore lidhja me mesatarisht 6 persona mjafton per te qene i lidhur indirekt, nepermjet lidhjeve te lidhjeve te lidhjeve... , me te gjithe njerezit ne bote. Rrjetet e informacionit (si interneti) funksionojne ne menyre te ngjashme. Mjafton te ndjekesh dy- tre linqe dhe gjendesh ne nje teme krejtesisht te ndryshme nga ajo ku fillove lundrimin 5 minuta me pare.
Ndersa mbytja nga informacioni si nje problem i sjelle nga teknologjia dixhitale ne shoqerite moderne eshte dicka me te cilen njeriu duhet te mesoje dalengadale te perballet me sukses e ta zgjidhi ne favor te tij, procesi i te mesuarit eshte nje fushe ku teknologjia dixhitale mund te beje permiresime te medha.
Mesimi si proces eshte i lidhur fort me nderveprimin dhe bashkeveprimin. Fakt ky i neglizhuar ne menyre te skajshme ne modelet mesimdhenese deri sot. Ne vete fushen e inteligjences artificiale bashkeveprimi eshte tashme nje nga elementet kyc per percaktimin dhe zhvillimin e inteligjences. Ne natyre loja, si procesi me i vjeter e per mendimin tim me perfekt mesimidhenes, perdor pikerisht bashkeveprimin per ti mundesuar lojtareve pervetesimin e sigurte ne kohe te shkurter te nje sere njohurish e teknikash apo strategjish te rendesishme. Teknologjia dixhitale ka potencialin e kthimit te mesimit ne nje proces bashkeveprues. Nga njera ane duke e bere procesin e mesimit vetjak me social, pra duke i dhene mundesine nxenesve per te bashkevepruar me njeri tjetrin per kuptimin e nje teme. Nga ana tjeter duke i bere mjetet mesimore me bashkevepruese e inteligjente duke u pershtatur individualisht sipas temave e teknikave optimale te pervetesimit. Aktualisht sapo ka filluar te eksperimentohet me lojra sociale kompjuteri te zhvilluara per mesimin e temave te ndryshme, drejtim ky shume interesant.
Perdorimi i mjeteve dixhitale ne procesin e mesimit vetjak sapo ka filluar. Gjithsesi perhapja masive e mjeteve dixhitale vuan akoma mungesen e nje mjeti mesimor qe te nderthure vetite fizike te nje libri (mobil, i lehte per tu transportuar, nuk kerkon energji, etj) dhe vetite bashkevepruese te nje mjeti dixhital. Perparimet teknologjike te koheve te fundit tek ekranet bashkeveprues, panelet e perkulshme apo teknologji si E-Paper qe kerkojne pak energji dhe ofrojne veti optike shume te aferta me letren e vertete do te mundesojne brenda pak vitesh perdorimin masiv te teknologjise dixhitale ne procesin mesimor vetjak. Edhe ne anen e software-it gjerat kane filluar te levizin me qindra iniciativa per zhvillimin e programeve mesimore per lende nga me te ndryshmet. Ajo qe mungon eshte vetem kombinimi i teknologjive te reja ne fushen e aparateve dixhitale dhe te programeve mesimore per ta kthyer mesimin ne boom-in e ardhshem dixhital.
Subscribe to:
Post Comments (Atom)
No comments:
Post a Comment